|
ENDAMÁL FELAGSINS
Endamál felagsins er at fylkja allar tænastumenn landsins og tænastumannalíknandi sett fólk í umsitingini, fyri at fremja og verja felags áhugamál, at hevja fíggjarligu og stættarligu støðu limanna og at skapa tíðarhóskandi viðurskifti í øllum førum innan stættin. Felagið tekur ikki lut í partapolitikki.
|
|
|
|
| |
11-03-2011
Størsta fuppnummar í nýggjari tíð
Vit átala harðliga uppskotið hjá landsstýrinum um nýggja pensjónsskipan. Hetta er størsta fuppnummar í nýggjari tíð, um uppskotið verður samtykt, sigur Tænastumannafelag Landsins, sum vísir á, at pensjónistar koma at missa heilar 25.000 krónur næsta ár.
Felagið sigur í skrivi,sum sent er fjølmiðlunum, at uppskotið er einfalt. Tað er at fara frá núverandi skipan, har grundupphæddin í fólkapensjónini er skattafrí til at gera hana skattskylduga.
- Ert tú ein av teimum, sum rindar umleið 50% í skatt og ert stakur fólkapensjónistur, so minkar fólkapensjónin við 25.000 krónum árliga.
Felagið vísir á, at tað, sum landsstýrið haraftrat ætlar, er at byrja mótrokningina í inntøku enn fyrr. Í dag byrjar mótrokningin ikki fyrrenn við inntøkum sum fara uppum 60.400 krónur.
Um tað gongur, sum landstýrið ætlar, verður mótroknað longu við inntøkum, sum fara uppum 30.000 krónur í 2020. Hetta fer at merkja, sigur Tænastumannafelag Landsins, at teir pensjónistar, sum eru illa fyri í dag, verða enn verri fyri.
- Men so kemur fupp nummarið hjá landsstýrinum, sigur felagið.
Í uppskotinum, sum er lagt fyri tingið, spæla tey við tølini í grundupphæddini. Tey hækka tølini næstan uppí tað tvífalda, tí so verða kanska ikki so nógvar reaktiónir frá fakfeløgum og fólki annars. Tá kunnu tey standa fram og siga, at í veruleikanum verður pensjónin tann sama, sum hon er í dag.
Tænastumannafelag Landsins sigur seg trúgva lítið uppá, at almennu pensjónirnar fara at hækka upp í tað tvífalda longu frá næsta ári, soleiðis sum fíggjarstøðan er í landinum.
- Um uppskotið verður samtykt, hava tey fingið prinsippið við, at allar pensjónir eru skattskyldugar.
|
|
|
|
|
TÆNASTUMANNAFELAGIÐ
Adressa felagsins:
Undir Nesinum 12
650 Toftir.
Telefon: 29 10 06 (svarar
hvønn hósdag kl. 17 til 18)
Teldupostur: mg@vorn.fo
|
NEVNDARLIMIR
Meinhard Gaardlykke:
formaður
Bárður Enni:
næstformaður og skrivari
Andrea Nielsen:
kassameistari
Poul Jakki Vitalis:
nevndarlimur
|
|
|
|
